Accueil Dossiers Tribune Logistique toulousaine : un trafic et du temps perdu

Logistique toulousaine : un trafic et du temps perdu

Aéroport Toulouse-BlagnacLa période de ski a débuté ; les Pyrénées recevront des touristes du monde entier, et de plus en plus si la démarche commerciale s’étend à toute l’Europe. Et notre aéroport de Blagnac est en panne d’avoir su conserver ce trafic. L’Aéroport d’Alguaire a su le capter avec des installations bien moins coûteuses et surtout une volonté politique de répondre à la demande des clients, et non pas imposer une façon de voir, sur le modèle jacobin de la logistique.

 

Aquò farà dètz annadas que se demanda de melhorar las sortidas de l’aeropòrt de Blanhac ; la solucion trapada es un tram per anar cap al centre de la ciutat mondina, un tram cam a las Arènas, un cuol de sac logistica per la region Miègdia-Pirinèus. Es pietadós de pensar que la CRCI non pensa qu’a bastir un aeropòrt novèl per minjar las bonas tèrras d’Arièja o de Fronton, puslèu qu’a far pression per aver una sortida d’aeropòrt que se melhorèsse a Blanhac, e aiçò non se podrà far ambe d’autorotas, senon ambe una sortida modèrna coma a Lyon-Saint-Exupèry o Roissy per exemple.

Aital una ligason de tren sosterrans es evidentament la sola solucion per sortir de l’aeropòrt en mens de 40 minutas, coma es valorizat dins l’aeropòrt concurrent d’Alguaire. E evidentament aqueles trens non podràn èstre TER, nimai trens qu’imposaràn una sortida en dos tempses, una logistica seriosa es de preveire, a la dimension de Tolosa, aquel Tolosa del XXIen sègle, aquela Tolosa capitala europèu del Sud de França, mai tanben capitala de l’aeronautica pels Pirinèus e per Euròpa.

De mai, non se podrà pensar aquel grand aeropòrt sense pensar de lo ligar ambe Merinhac (Bordèu), e sempre de faiçon modèrna e ambe de trens que faràn ligasons seriosas en mens de 2 oras. Merinhac es pas la direccion de la LGV prevista, non pas brica. Encara un còp, lo sistèma politic tolzan fauta de vision de granda dimension per Tolosa, e los de Bordèu s’acostejan pas pron de Tolosa per èstre la clau aeronautica en Euròpa.

Un TGV que partís de Matabuòu per Barcelona, en 2014, es plan una grand eveniment qu’èra esperat dempuèi 25 ans ! Perqué l’avèm esperat ? Las rasons son multiplas : 1 / perqué las autoritats de la decentralizacion an pas los poders legals per portar un projecte, 2 / perqué l’Estat centralista e jacobin francés l’interessa la LGV e las far pagar per las regions e pr portar quadres d’entrepresas de La Défense e foncionaris, o personatges de TV parisencas, mas pas de saber quinas son las necessitats de l’aglomeracion tolzana pel XXIen sègle, 3 / perqué la SNCF e la CRCI pensan encara e encara coma sistèma jacobin en regions occitanas (las polidas bandièras franquistas a l’arribada del TGV de Barcelona ne farà la pròva (!) o la volontat de la CRCI d’anar a Zaragoza puslèu que de pensar a Barcelona), 4 / perqué la populacion es pas pron escotada e consultada sul subjecte, e que cap mèdia a assajat de portar discorses diferents del concènsus mòl que la decentralizacion pòrta.

D’aquí se pausa de saber se cal una linha suplementària de mètro a Tolosa ; perqué aquesta linha es utila per l’aeropòrt, pels dos estadis e pels espitals publics e privats : es plan òc, cap dels establiments aqueles ambe una fòrta clientela pels transports e lo movement espacial tolzan, es religat ambe lo fialat logistic tolzan, un seriós e coërent, ni lo tren, ni lo mètro. Consequéncia : los Tolzans son los pus grands proprietaris d’autòs de las ciutats del Sud de França. Consequéncia : los Tolzans an d’emplegar autòs, e donc avèm los taps regulars de circulacion per la capitala europèa que deuriá èstre Tolosa e sa logistica seriosa (es una ipotèsi).

De mai, d’aquí se pausa de saber de quina manièra l’aeropòrt deurà melhorar las ofèrtas logisticas, tot en damorar sus plaça, e melhorar alara las sortidas en accelerar las sortidas, tot en respectar los vesins (la fauta de Blanhac e de l’Oèst tolzan es d’aver un sistèma urbanistic que pensa pas brica a l’aeropòrt e dempuèi annadas e annadas). I a pas qu’una solucion, religar l’aeropòrt ambe las linhas de trens e donc pensar que de Blanhac podriá èstre tanben una gara del Sud, religat a Lorda, als Pirinèus, e a Barcelona Prat e Merinhac ; ara la gara ipotetica non serà que sosterrana.

Tot aiçò es pura especulacion, perqué ? Perqué lo sistèma dels politicians en plaça fa de logistica a la pichona setmana, e aiçò dempuèi 30 ans per Tolosa.

 

Chronique de Jacme Delmas – Blog : http://democraciaoccitania.blogspot.fr/, partenaire de Toulouse Infos


La rédactionhttps://www.toulouseinfos.fr
Pierre-Jean Gonzalez, rédacteur en chef de toulouseinfos.fr a collaboré avec de nombreux médias avant de prendre la direction du site toulousain, qui existe depuis 10 ans.

LAISSER UN COMMENTAIRE

S'il vous plaît entrez votre commentaire!
S'il vous plaît entrez votre nom ici