Accueil Occitan Chroniques occitanes Jacme Delmas : « Pour Pierre Cohen, l'occitan n'est pas de la culture »

Jacme Delmas : « Pour Pierre Cohen, l’occitan n’est pas de la culture »

Jacme Delmas : « Pour Pierre Cohen, l'occitan n'est pas de la culture »Cette affirmation étrange est confirmée par le document que je reçois ce jeudi dans ma boite aux lettres. Chaque fois que les associations occitanes essayent de faire entrer l’occitan dans la vie publique toulousaine, on sent légèrement que cela gène le personnel politique socialiste. A Toulouse, la Culture s’écrit donc sans l’occitan. Encore une fois, un numéro spécial de septembre 2013 en fait la preuve. Il est bien de vouloir faire de beau discours sur la mémoire (François Hollande à Oradour sur Glane), mais quand la mémoire se fait en occitan, pour les socialistes ceci n’a aucune valeur culturelle… peut-être plus au niveau politique.

 

Se l’occitan es pas de cultura, benlèu de Kulturé ? Alara qu’es aquò l’occitan pels socialistas de Tolosa ? De las subvencions clientelistas ? Dels suplements d’anmas socialistas, pel plaser de la campanha electorala ?

Podèm aital fargar un fuòc d’artifici de l’ignorança socialista sul tèma. Quí es la cargada de la cultura a Tolosa, paura d’ela, paura de las seunas ignoranças : la qualitat mediòcra del numèro especial pròva qu’es pas plan plaçada, e donc dempuèi la debuta de l’installacion dels socialistas a Tolosa. De mai, las visitas de l’ancian cargat de mission e elegit socialista al Conselh General sembla pas èstre servar al cap de Pierre Cohen, el que regentava tot de l’occitan a Tolosa, del dedins ; e donc se regentava tot, la politica per l’occitan a Tolosa es pas natural (o vesèm al Conselh General, comparat als Conselh Generals socialistas bretons), l’occitan es donc politic, e non desirat a Tolosa socialista, estremat del sistèma cultural, e pels servicis culturals ; l’apartheid lingüistic socialista se nòta dins lo document fargar per la comuna coma un numèro especial que damorarà dins las memòria.

Fasèm la lista qu’auriá permetut demostrar l’occitan coma un actor màger de la culture a Tolosa. L’Ostal d’Occitània a permetut a mantunes gropes musicals, e pas forçadament occitan, de se presentar dins los miègjorns de l’Ostal ; public en grand nombre ; aquel luòc es quitament pas meçonat dins lo plan prepausat ; l’animacion cançonièra èra talament polida que los socialistas l’an recuperada per l’etiquetar Mairie de Toulouse et projet socialiste de la culture. En francés plan segur ! La Kulturé a Tolosa se pratica SONQUE en francés ! Lo suplement de setembre es claríssim, es una error de comunicacion : o pensi pas brica, un acte politic grèu contra l’occitan.

Dins lo document se trapa Serge Pey, que, per astre, publica tanben en occitan, segur la qualitat de las òbras occitanas a pas degut -malgrat que fosquèssen bilingüas, arribar als uèlh dels personals politics socialistas ; dins la seuna presentacion del suplement, vesi res sul tèma : lenga occitana.

Lo festenal Convivencia a perdut l’accent e benlèu la seuna etiqueta primièra -aquela que li a permetut de recebre las primièras subvencions del CR de Migdi-Pirinèu- a perdut l’etiqueta occitana ; perqué ? Segur perqué l’occitan es pas de cultura ! Mas de qu’es occitan, s’es pas un element de la cultura tolzana, un pont cultural pel nòrd de la mar nòstra ? O tornèm questionar ; e de qu’es unaKuluré franchimanda sense l’occitan a Tolosa : una ignorança politica, un nacionalisme francés, plan una estupiditat per socialistas, aqueles d’en Joan Jaurès !

Jà sabiam que lo festenal Novela èra incapable de prononciar lo mot ambe l’accent occitan, novèla ; l’ignorança culturala francesa a encara tocat lo fons capitolian. Lo festenal aquel se tracha d’indicar qu’es una «fête de la connaissance» podrèm apondre de l’ignorança francesa dins lo dominium provincial Occitània.

Lo Fòrum de las Lengas mençona tanpauc res, alara qu’es a la basa per la lenga occitana ; dins quina lenga Sicre es estat conegut senon en occitan ? Es vertat que l’occitan i es estat plaçat a la talvera e que las associacions occitanas de Tolosa i venon pas pel plaser.

Lo marathon des mots que refusa sempre de donar a l’occitan sa plaça, es normalament en abandon de l’occitan dins la presentacion.

La lista es talament longa dels oblidanças que nos podèm inquietar sobre l’avenidor de l’occitan a Tolosa se los socialistas damoran al poder al capitòli.

De qu’es la cultura a Tolosa, es la diversitat de las multiplicacions dels espectacles, una identitat* mac donald’s de la cultura, aquel establiment multiplica las prepausicions per aucupar los estomacs ; la cultura a Tolosa es d’aquesta meteissa identitat. Los Tolzans e las Tolzanas que l’an demandat mantunes còps per enquèstes, sondatges, articles de premsa, los Tolzans e las Tolzanas son aital negats dins la lor prima identitat occitana. Aital l’occitan es daissat inaccessibla a l’espaci public pensat pels socialistas, e las culturas urbanas son aital negadas coma se l’occitan èra lo campèstre ! Encara l’ignorança socialista.

Es susprenent** que los tèxtes d’en Joan Jaurès fosquèssen pas conegut del servici socialista de la cultura e del cònsol màger Pierre Cohen en particular e se son coneguts, son trabalhat de tal biais que la partida ‘lenga occitana’ fosquèsse oblidada del cap dels militants socialistas, al XXIen sègle ; segur que dèu èstre la resulta de la demesida dels oraris d’istòria tolzana dins las classas de Tolosa.

De mai, l’occitan es en dangièr segon l’UNESCO ; donc malgrat tot, e malgrat las demandas dels ecologistas, Pierre Cohen participa de faiçon solidari*** ambe Paris per la destruccion d’un patrimòni lingüistic. L’engatjament electoral per multiplicar las classas bilingüas serà pas tengut ; un grand succès socialistas donc.

Quí pòt negar que l’occitan es pas la basa cultura de Tolosa ? Aquel que coma Stalin negava la diversitat d’expression politica de l’Union Sovietica. Aquí en Pierre Cohen dona lo signat per botar l’occitan al golag… aprèp los Catars, es la visibilitat de la lenga occitana qu’es negada quitament dins un suplement cultural especial.

La renommada**** de l’occitan a Tolosa es talament granda qu’una estatua es lo simbòl del Tolosa la nuèit, es aquela del Pèire Godolin ; lo cònsol màger dèu conéisser las placa que l’infòrma d’aiçò ? Mas aquò sembla pas èstre una importança granda quora totas las municipalitats dempuèi la fin de la guèrra an trabalhat per enterrar las pèiras dels Wisigòts (Sant Çubran) o dels Romans (darrièr lo Capitòli)…. E ara cal arcuelhir toristas ambe un personal que coneis pas l’istòria tolzana ; o que nega l’interès politic de recordar los chaples catars coma los nazis an destrusit Orador de Lemosin e sa populacion occitana, e sa minoritat josiva.

Quora legissèm «una cultura que se dona per totes»*****, e que l’occitan es abandonat, es alara la confirmacion que tota la politica culturala occitana de la comuna socialista es grandament una illusion d’optica, o puslèu un imposicion dels ecologistas contra l’avejaire dels socialistas estalinians o republicanistas al poder de comunicacion mai fòrt.

Aprèp aqueste bilhet podrèm èstre grandament segur qu’i aurà denegacion de tot çò qu’es escrit dins lo bilhet aquel, car lo poder dels vòts tolzans es lo mai grand poder que farà tornar l’occitan al nivèl que merita per Tolosa, capitala europèa. Il y a fort à parier****** !!! Il y a fòrt de pariar que Sant Miquèl lor arribarà per ajudar … mas oblidar l’occitan dins un numèro especial cultural sus Tolosa, es pietadós, c’est de l’ignorance crasse.

Alara TOLZANS e TOLZANAS vos damora pus qu’a donar un signe a la lista socialista a las municipalas, son los sangnaires de la cultura de Tolosa, l’occitan es la seuna lenga primièra, istorica. Lo fuòc d’artifici lingüistic e cultural pòt debutar per aquestas eleccions.

A la finala del bilhet : podèm afortir que «les socialistes se foutent de nous» e de l’identitat de Tolosa.

 

* a cada estèla es una represa semantica del paragrafe de l’editorial del cònsol màger socialista Pierre Cohen. Es aisit de far de com’ sus la cultura, perdon la Kulturé Toulousèn’

 

Chronique de Jacme Delmas – Blog : http://democraciaoccitania.blogspot.fr/, partenaire de Toulouse Infos

La rédactionhttps://www.toulouseinfos.fr
Pierre-Jean Gonzalez, rédacteur en chef de toulouseinfos.fr a collaboré avec de nombreux médias avant de prendre la direction du site toulousain, qui existe depuis 10 ans.

LAISSER UN COMMENTAIRE

S'il vous plaît entrez votre commentaire!
S'il vous plaît entrez votre nom ici