Accueil Occitan Chroniques occitanes Josèp-Lluís Carod-Rovira en visite à Toulouse

Josèp-Lluís Carod-Rovira en visite à Toulouse

Josèp-Lluís Carod-Rovira en visite à ToulouseL’ancien vice-président de la Generalitat de Catalonha est venu à Tolosa pour inaugurer la « setmana occitana » de l’« Université de Toulouse Le Mirail », université de lettres qui a récemment changé de nom, mais pas en occitan (!). Il faudrait la nommer « Université Jean-Jaurès » parce que Le Mirail (Le Miralh) lui donnerait une réputation négative… Ceci aura un coût, espérons que ce changement se fera aussi en langue occitane (dobti). Josèp-Lluís Carod-Rovira fut donc l’invité des professeurs de langue occitane de cette université de gauche.

 

Josèp-Lluís Carod-Rovira coma vice-president de la Generalitat de Catalonha, s’es fait remarcar per la premsa e los poders espanhòls quora a pensat que, per bastir la patz en Euskadi (region autonòma d’Espanha, valiá melhor parlar ambe els, «los autodeterminat territoristas» contra l’imperialisme espanhòl, puslèu que de los botar en preson coma per exemple Arnaldo Otegi actualament. Mas coma Vice-president de la Generalitat de Catalonha l’afar faguèt grand bruch e li donèt una popularitat en Catalonha e Euskal Herria (e plan al delai) que ajudèt pauc a pauc al despaus de las armas en Euskadi e Nafarroa. Tot aquò es plan segur negat pels nacional-expansionistas espanhòls del PSOE (socialistas europèus) e del PP (PPE), sempre associat sul tèma contra los «nacionalistas» de «Província Cataluña y de Euskadi» ; Josèp-Lluís Carod-Rovira es un òme de patz e ancian militant, e elegit de Esquerra Republicana de Catalunya ; el se remembra que son las autoritats del Pétainisme e la polícia francesa que, dempuèi Bretanha, an portat lo president Companys a la mòrt franquista a Barcelona, afuselhat a Montjuïc sense procès. Quí s’en recòrda a l’Estat jacobin francés ?

Es donc aquel òme plan conegut qu’es vengut a l’inauguracion de la «setmana occitana» de Tolosa, per valorizar l’ensenhament de l’occitan de l’Universitat de Tolosa Le Miralh. Dins la vrespada encontrèt los estudiants, es segur qu’a tanben fòrças causas de dire a prepaus de l’òbra que faguèt per oficializar l’occitan, en 2006, per tot lo Principat de Catalonha. Çò d’estonent es qu’es sonque en 2014, que los professors de l’universitat de Tolosa an pensat de lo convidar… sonque !

E coma venguèt a Tolosa, l’universitat de letras, èra normal de lo veire passar a l’Ostal d’Occitània ; un endreit que l’universitat de letra a la constuma d’emplegar per presentar conferéncias mensualas al entorn d’un tèma ligat a l’occitan. Sempre son conferéncias publicas e a gratís, e sempre d’un grand nivèl escolastic occitan, en francés, o en occitan.

Josèp-Lluís Carod-Rovira èra donc normalament present a l’Ostal d’Occitània, aquel dijòus de ser, a las 20h00 ; jà l’aula èra plena, fuòrças Catalans, gaire d’Occitans, e gaire de public de la carrièra tolzana classica ; cal dire que la premsa papièr oblida sovent de mençonar las conferéncias aquestas a l’Ostal d’Occitània ; devon pas èstre del nivèl escolastic que cal, per la pradeta tolzana.

Lo tèma de l’intervencion de Josèp-Lluís Carod-Rovira èra çaquelà d’una actualitat segura ; la vèlha es lo president Artur Mas que donava una entrevista dins Le Figaro, e a France Infos, enregistrada dempuèi París e en lenga francesa ; Artur Mas parla catalan, espanhòl, anglés, e francés, pron correntament, Josèp-Lluís Carod-Rovira el tanben, pòt parlar un pauc francés, mas es en lenga catalana adaptada a Occitània que faguèt la conferéncia.

Jà los integristas de la lenga francesa debutèran de repotegar ; car los Franceses de Tolosa coma d’endacòm mai, son grands handicapats lingüistics, e aiçò malgrat las annadas universitàrias de letras, las lengas las sábon pas costejar, amistosar ; las sábon sonque coma una règla matematica : se sap o se sap pas, 1 o 0 coma en informatica !

Mas tot aquò bolega pas Josèp-Lluís Carod-Rovira que n’a jà vist de pièja situacion, per exemple dins una famosa vídeo que podèm trapar sul net, d’una preséncia dins un programa espanholista de la TVE. En Josèp-Lluís Carod-Rovira a pas paur de las lengas, mas pòrta una reala consciéncia de la pèrda lingüistica que pausa aquelas actituds integristas contra la lenga occitana e catalana ; en Josèp-Lluís Carod-Rovira es d’aquela vièlha populacion catalanista qu’an defendut la lenga catalana en Principat de Catalonha, mai tanben dins totas las tèrras que las populacions párlan la lenga catalana, e l’occitan en Aran.

Es coma vice-president de la Generalitat aquel qu’ajudèt a la votacion d’una «lei der occitan, aranés en Aran», lei qu’es actualament en re-visita e modernizacion al Parlament de Catalonha, per aquesta debuta d’abrial 2014.

Mas es pas per tot aiçò qu’en Josèp-Lluís Carod-Rovira nos èra vengut a l’Ostal d’Occitània. Lo tèma causit correspond al libre qu’acaba de sortir e que presenta, ambe lo seu editor, un pauc pertot en Catalonha, e que normalament presenta ambe los seus amics politics del govèrn dit del tri-partit, l’esquèrra del poder de vièlh govèrn en José Montilla (PSOE), ancian ministre de l’industria espanhòla, puèi president de la Generalitat e del govèrn tri-partit, ara heurèu minoritari de la via tresen, contra los independentistas, contra la nacion catalana.

Josèp-Lluís Carod-Rovira es, el, partesan de la via independentista ; perqué ? Perqué «avèm tot assajat ambe Espanha». Lo tot es una causa simplament istorica, del passat ambe Espanha, e per totas las classas socialas e variacions politicas de Catalonha, Principat e Païses Catalans. Castiga fuòrça la classa independentista vièlha catalana, los grands borgeses d’ara e opausa las novèlas classas mejanas ; la terminologia es grandament basada suls tèma pòst marxista, tot en s’en elonhar en pratica, per daissa al pòble lo «dreit de decidir».

Es aital que debuta una clara intervencion sul procèssus actual d’independéncia catalana ; cal apondre çaquelà que lo sistèma d’autonomia catalana fabrica jà un sistèma administratiu qu’ajuda a prendre lo poder, e alara que serà aisit de capvira l’esquina a Madrid per èstre independents. Jà o explica en Josèp-Lluís Carod-Rovira : «per la polícia e administracion espanhòla de Barcelona, Lleida, Girona, Tarrogona o Figueres, auràn la causida d’èstre pagat per Barcelona o per Madrid, senon seràn liures de partir rejónher l’administracion de Madrid, e de daissar lo pòste».

Lo convidat assegura : «lo procèssus catalan es grandament pacific e democratic ; es la volontat del pòble». E explica l’evolucion dels dètz darrièrs ans, lentament mas segurament es l’arribada d’immigracion en granda dimension, dins una societat grandament enraiçada a l’identitat catalana (que la nacion pòrta la vida d’una societat fòrta), qu’a assegurat en Catalonha (e Barcelona, 60 % de la populacion del Principat), un cambiament major, e politic.

«L’independentisme es passat d’una demanda identitària (classica, romantica, anciana), a una demanda pragmatica, la moneda del fogal de cada jorn». E es «l’immigracion que reberta èstre una ajuda per l’independentisme tradicional catalan, e li donar una jovença nòva». En Josèp-Lluís Carod-Rovira assegura tanben que lo procèssus non pòt èstre que democratic, e qu’aquel procèssus es democratic perqué cada jorn Espanha presenta una cara de mens en mens democratica, contrariament al Reialme-Unit.

Josèp-Lluís Carod-Rovira assegura, coma Artur Mas, que lo concènsus politic es clar en Catalonha, e qu’una majoritat vòl votar ; de qué pòdon dire de diferent quora lo pòble catalan pensa que la via la mai clara es l’independéncia, e que los Espanhòls, de mai en mai, sords, ajúdan a aumentar la volontat de votar «Sí i Sí» (Òc e Òc) lo 9 de novembre per la consulta que faràn e organizaràn, contra la santa constitucion e l’irreformabla constitucion.

Josèp-Lluís Carod-Rovira es çaquelà un bon observator, de l’interior del fenomèn social ; que l’universitat de letras e de sociologia de Tolosa o convida me sembla grandament normal. En tres punts explica los cambiaments recents, 5 darrièrs ans : – 1 / lo cambiament social de Catalonha es grand, se Alemanha aviá cambiat del meteis biais, i auriá agut una arribada de 15 milions d’abitant, Catalonha a acuelhit mai de 1,5 milions d’abitants e l’integracion se faguèt dins la cultura del país aisidament, i a pas cap veitura cremada las nuèits del 1er de l’an (!), e i a una politica d’acuèlh per apréner la lenga catalana, o occitana en Aran… e l’Espanhòl es tanpauc pas abandonat. – 2 / del costat de l’èime catalan, segon Josèp-Lluís Carod-Rovira lo derrotisme a daissat la plaça a l’auto-estima de la vida catalana, de l’èime catalan, de la nacion ; tot aquò ajuda, ara, per bastir una ciutadanetat duberta, ambe un modèl unic e original, que fins ara, cap Estat d’Euròpa ne podrà trigar lo modèl. – 3 / la societat catalana se bolega per demandar l’independéncia, e Josèp-Lluís Carod-Rovira tria doás associacions, l’« Assemblea Nacional de Catalunya » e «Omnium Cultural», sense realament presentar las doás associacions, e benlèu en oblidar lo fenomèn de las comunas independentistas catalanas (els municipis), e l’associacion «Associació dels Municipis Independentistas». Mas tot aiçò es indicat per Josèp-Lluís Carod-Rovira coma lo despertar d’una nacion per bastir un Estat diferent… e sobretot -pel moment- lo dreit de decidir, e donc de votar.

La venguda de Josèl-Lluís Carod-Rovira es estat un grand moment politic a l’Ostal d’Occitània. Es pietadós que fosquèt pas donat a Tolosa, per las universitats de dreit, de sciéncias, e de farmàcia, tanben.

La conferéncia foguèt pas enregistrada, e malastrosament, e vist la fauta dinerièra de politica lingüistica per Convergència Occitana, la conferéncia a pas agut lo resson que cal dins la premsa pradetina ; cal apondre : un sistèma audiovisual de traduccion auriá ajudat l’integrisme lingüistic francés d’èstre, al mens, calhat diplomaticament e las tòrtas interpretacions loras.

 

Chronique de Jacme Delmas – Blog : http://democraciaoccitania.blogspot.fr/, partenaire de Toulouse Infos


La rédactionhttps://www.toulouseinfos.fr
Pierre-Jean Gonzalez, rédacteur en chef de toulouseinfos.fr a collaboré avec de nombreux médias avant de prendre la direction du site toulousain, qui existe depuis 10 ans.

LAISSER UN COMMENTAIRE

S'il vous plaît entrez votre commentaire!
S'il vous plaît entrez votre nom ici