Accueil Occitan Chroniques occitanes Kiev : des parallèles politiques avec Tolosa ?

Kiev : des parallèles politiques avec Tolosa ?

Mapa de l'Ucraïna lingüistica, blau : mai de 50 de cent locutor d'ucraïnés, verd : mai de 50 de cent russofòne – i a d'enquèstas lingüisticas oficialas – n'avèm pas en Occitània. Bien que la question linguistique ne soit pas un élément primordial pour des évènements politiques de Kiev, il est intéressant de savoir que Tolosa est jumelée avec cette cité de l’Est européen. Il semblerait cependant que la politique linguistique de l’Ukraine n’intéresse pas nos politiques, or, elle est assez exemplaire, au vue des interventions que l’on a pu écouter sur la place Maïdan. Mais on pourra aussi trouver dans cet évènement des parallèles politiques en Occitània, et donc à Tolosa.

 

En Ucraïna, se parla l’ucraïnés coma lenga autòctona e oficiala. Tanben i a una partida significativa de la populacion que parla lo rus, fosquèsse coma segonda lenga o primièra.

Dempuèi lo periòde sovietic, o en mantunas regions abans, i son estat procèssus de russificacion en Ucraïna. La pression del rus sobre l’ucraïnés n’es resultat un fenomèn lingüistic que se dís súrjyk, es de dire, la mescla d’ucraïnés ambe lo rus. La paraula súrjyk se referís pas (encara) a un dialecte ni a règlas especificas, sinon que denomina simplament la mala usança de l’ucraïnés, amb l’incorporacion (de còps mòlt exagerada) de russismes.

Quantes corses d’ucraïnés a l’universitat de Tolosa, de Montpelhièr, Lemòtges, Marselha, Niça o Bordèu ? Se cal pas limitar a la lenga, mas es utile per dubrir la pòrta e rassegurar e evitar las rumors politicas que se passejan sus la nacion d’Ucraïna, rumor del sapitèrne fachisme de la populacion sancièra. L’ignorança occitana fabrica unas facilitats per la propaganda russa. Es la meteissa ignorança que tòca França sobre Occitània.

Quantes espectacles en ucraïnés dins las animacions publicas de la vila mondina ?

Quantas escoletas de la vila fan un ensenhament d’aquesta lenga d’Ucraïna ?

Quantes escambis associatius ? Quantas reünions de la CRCI sul tèma ?

De còps se mingi carn dins los restaurants de la vila que son carns d’Ucraïna, mas o cal pas escriure nimai dire… Fins ara, per causa d’aquesta carn, i a pas agut mòrts tolzanas.

Se fasèm la comparason de populacion, los 45 milions d’Ucraïneses fan gaire lo pès dins lo ment dels elegits tolzans, e lo ment dels Occitans en general.

Sèm quasiment sus la meteissa mar, la granda laca entre l’Orient Mejan, Africa e Euròpa ; Marselha n’es un grand pòrt d’aquesta laca de la planèta Tèrra, la Mar Mediterranèa ; Seta, amai Narbona son per Tolosa una finestreta maritima. Fautèm ligams regulars en tren, alara que Niça a un tren, dos còps a la setmana per Moscòu, podèm esperar qu’un jorn un tren directe anirà en Ucraïna ? Se cal recordar del ròtle de Marselha, quora Itàlia frenava los escambis ambe l’Èst Europèu per França, e donc tanben Occitània ; sèm a tempses jà passat, malgrat que mantunes lor agradariá de los tornar veire practicar en barrar las frontièras europèas, e oblidar la moneda comuna. Se cal recordar de la mòrt del ministre Barthou e del rei de Iogoslòvia, Alexandre Ier, a Marselha dins una scenografia République Frnaçaise, mortifiària.

Puèi dempuèi les aéroports de Bordèu-Merinhac, Tolosa-Blanhac, Marselha, Niça (plataforma europèa), o Barcelona, de que dona las ligasons aerianas ? Es benlèu la fauta de presa al seriós de l’independéncia recenta d’Ucraïna. E quora l’independéncia de Catalonha serà realitat, la prendrèm «autanplan al seriós » ?

Cal escriure que sèm pichonetons en comparason de la dignitat politica que l’Ucraïna independenta, la ciutadanetat, pòrta sul continent europèu. E Occitània es sonque 15 milions de ciutadans sense conciéncia politica, la nacion (ciutadanetat) d’Ucraïna ne pòrta una polida e digna, fàcia a la màfia que tòca tot l’Èst Europèu.

Quin tipe de màfia tòca Occitània per non reconéisser Ucraïna coma una sòr europèa ?

Tot çò que se debana en Ucraïna me sembla d’una granda importança, per Tolosa, mas per Occitània tota sancièra.

Dins l’invasion de Crimèa avèm tanben la question de las supausadas minoritats en dangièr per non pas èstre dedins l’Estat imperialista, expansionista, e «protegida» ; es la question que lo nacionalisme francés pausa sistematicament a un eventual sistèma politic autonòme per Occitània.

Dins una region autonòma Crimèa, de qué Occitània podriá aver de pensar ? Se la region aquela es autonòma, es que jà los frens politics an trapat aquesta solucion per desvolopar un sistèma democratic en Ucraïna, donar a una region una autonomia, e accedir una basa militara importanta per l’imperialisme moscovit ; res del tot es extrèmisme de dreita tal que l’explica Jean-Luc Mélenchon, Front de Gauche, dins lo seu sosten a Putin, sul modèl d’un Georges Marchais a l’invasion de l’Afganistan ; es la solucion que la République Française a jamai volgut aplicar per Argèria, i aguèt una guèrra e l’independéncia en 1962 ; François Mitterrand èra ministre de l’interior. Se Crimèa demanda mai d’independéncia, es qu’un referèndum es obligatòri, car pel moment los reünionistas son pas mai que 3 % de vòts per las eleccions, es lo partit causit per Putin per far la guinholada politica al Parlament de Crimèa ; las questions que se pausarà son alara las meteissa que pel referèndum en Catalonha, la vesina d’Occitània ; mas son tanben dos rapèls istorics per Occitània ; lo primièr data de 1860, es una referèndum que lo poder militarista e bonapartista francés faguèt per la Comtea de Niça en oblidar d’imprimir los butletins NON. La situacion de 1860 a Niça, sembla fòrça a la Crimèa actualament. Lo segond es lo castig dels soviets contra la nacion tàtar, musulmans administradors de l’impèri otoman un còp èra, dels abans-tempses de la guèrra de Crimèa ; lo castig sembla fòrt a-n aquel dels protestants pendent las dragonadas del poder del rei solelh ; los protestants an degut trapar novèls Estats per desvolopar unas activitats moirigentas, lo regim imperialista rus a trobat la meteissa solucion que Michel Debré ambe los Reunioneses en Lemosin, l’exilh de re-poblament.

E quitament la conferéncia de premsa de Putin qu’explica fòrças causas dels regimes pauc democratics dins lo foncionament de las conferéncias de premsa ; semblava un moment de Carnaval, un pauc coma totas las conferéncias de premsa que los mèdias pòdon pas aver lo sens critic e los mejans de poder acarar l’opinion del protagonista. A Moscòu, los jornalistas son estats trigats coma cal (capacitat de questionar sense interès, es un pauc lo biais de foncionar de totas las escòlas de jornalisme a Tolosa, e las parladissas decentralizadoiras) ; la conferéncia encadenarà messorgas, manipulacions e demagogia, puèi adicionat del sampitèrne victimisme ; tot podriá semblar a un regime totalitari, al modèl estalinian ; quí a passat per las conferéncias en regions occitanas podrà largament comprendre que nos podèm questionar sul sistèma politic regional que frena al questionament dels jornalistas.

Tot çò que se debana en Ucraïna me sembla d’una granda importança, per Tolosa, mas per Occitània tota sancièra.

 

Chronique de Jacme Delmas – Blog : http://democraciaoccitania.blogspot.fr/, partenaire de Toulouse Infos

La rédactionhttps://www.toulouseinfos.fr
Pierre-Jean Gonzalez, rédacteur en chef de toulouseinfos.fr a collaboré avec de nombreux médias avant de prendre la direction du site toulousain, qui existe depuis 10 ans.

LAISSER UN COMMENTAIRE

S'il vous plaît entrez votre commentaire!
S'il vous plaît entrez votre nom ici